Gone Girl 觀後感

Gone-Girl-poster-3
 
趁呢部電影就黎落畫,拿拿林睇左佢。勁欣賞 fight club 同 social network,都算係 David Fincher 既小 fans。小弟本身都好鍾意睇食腦片,當睇返大家既影評,就話個女角好勁,可以諗到呢d 橋。小弟就覺得個 plan 麻麻,因為複雜之餘會多破綻,最弊係最後要傷害自己同將自己匿埋,仲可能要匿埋一世,咁唔單止復仇個老公,仲復仇埋自己。所以呢條橋就唔太食腦,係心理變態類。當然呢套戲重點唔係條橋,係婚姻關係係咪,你問我點拍得懸疑又帶出主題,小弟其實又有d 港產片 feel 既橋:
 
首先我會改過名既,套野唔叫 gone girl,叫 gone lunch。即係出左去食晏咁解。
 
條橋大致上就係男主角係 office 既一位已婚上司。當然啦,講婚姻關係既,主角當然要已婚啦。呢位已婚男同事就帶開飯既,咁帶得飯既就當然係老婆琴日煮定,今朝帶返公司下晝叮啦。咁呢位上司呢,就有d 仆街既,成日為難下屬,呢d 劇本好易拍 je,求其搵d 公司 office 就有啦。咁d 下屬就想整蠱佢上司啦。
 
d 同事就諗到條好橋,就打開個雪櫃,望下老細老婆煮左咩被老細食。睇完,通常都係d 家常便飯。就拿拿林複製一個,買又好,自己買料整又好,家常便飯唔太複雜,條橋應該易過扑濕自己個頭既。
 
整完就將佢倒入垃圾桶,制造扔左個愛心便當既假象。再影相加 caption “今日老細 lunch 約左客出去食飯,就咁就扔左個飯”,再 share 再 tag 其他同事再 share。
 
跟住後事如何?當然要確保老細老婆見到幅相。跟住你諗下,老細返到去,佢老婆就會好嬲咁問佢點解釋,有咩可能扔左個愛心飯!但明明自己就食左個飯,又可以點解釋到呢件不可思議既事件。要解釋一件無可能解釋到既事,就同彭浩翔既出埃及記一樣:
 
「原來這個世界上有些東西,荒謬到一個程度便沒有人會相信,但並不代表不存在。」
 
跟住女人就會發揮佢小宇宙去幻想,咩都有得鬧。你都咪話唔過癮。跟住螢幕就出返電影金句:「這就是婚姻。」
 
老細呢世都諗唔明,唔單止唔明點解個飯明明食左但係會倒左,更唔明點解咁芝麻小事都可以抝一餐,既懸疑又貼題,升得字幕,劇終。

{HongKong} GrandHyatt Steakhouse

我同好朋友 Jac & Kin每個月都會約埋食一餐Fine Dining。首先我地會定左菜式,然後定食品類型。而今個月,我地決定去「鋸扒」。揀左好耐,我地最終決定去Grand Hyatt Steakhouse。訂枱時間有2個time slot: 18:00/20:45,Jac 前3日book位,18:00已經要waiting list,但幸運地最後我地都wait到,唔洗食20:45咁晏。
去餐廳前,我已經睇定餐牌,知道自己想食咩扒,但sauce方面我就一頭霧水,所以我問waiter,希望了解多d 關於sauce既資料,waiter好耐心咁講解每個sauce既不同之處,選擇左一輪,終於都決定晒食咩啦!
IMG_6503.JPG

冇幾耐Appetizer就黎到了。免費既牛油蒜蓉包先到。麵包黎到既時候,我真心認為我真係未見過焗得咁靚既蒜蓉包!但如果你想食白麵包,可以同waiter講,餐廳會幫你安排。聽Jac講呢度既蒜蓉包都幾出名,所以要keep fit既我都破例食左件。蒜蓉包咬落好脆,當然仲好香牛油蒜蓉味。

IMG_6507.JPG

IMG_6506.JPG

Appetizer我地叫左呢度出名既Crab Cake,仲有煎鵝肝。Crab Cake真係好好食,一d都唔油,食落啖啖都係蟹肉,好清新;煎鵝肝配有Apple Cubes係底,入口即溶,Kin一啖鵝肝一啖麵包咁食,食到佢好滋味。

IMG_6504.JPG

IMG_6505.JPG

IMG_6502.JPG

主角黎了!我叫左6安士 Tenderloin 5成熟配磨菇汁,Jac & Kin就叫左個27安士既T-Bone 5成熟配紅酒汁 share,然後叫左個焗薯做配菜。食之前,餐廳提供幾款Mustard比我地選擇,我揀左原味芥辣子,而Jac & Kin 就揀左truffle mustard。Tenderloin係牛背肉,脂肪比較少。而T-Bone肉近骨,所以脂肪會比較多。呢度d牛扒好嫩,肉汁豐富,一d都唔韌,唔配sauce食更食到肉汁既味道,加埋mustard一齊食,真係回味無窮。至於,個焗薯就好大個,上面加左sour cream同煙肉碎,味道無咩特別。

IMG_6515.JPG

IMG_6516.JPG

甜品我地揀左呢度出名既Dark Rum Baba 同埋Apple Crumble。Dark Rum Baba 好睇多過好食,Waiter將點左火既Rum倒落蛋糕仔上面,見住火同蛋糕仔慢慢融合,都幾靚,但味道就酒味太濃,我唔係咁鐘意食;Apple Crumble 暖暖地,皮脆內軟,夾埋呍哩拿雪糕一齊食,特別好味,但蘋果味就唔夠。

Grand Hyatt Steakhouse
Location: Mezzanine Floor @GrandHyatt
Enquiry Or Reservations: +852 2584 7722

香港四大奇食(一) 九記牛腩

澳牛的黃昏話「香港有四大奇食:澳牛光速餐、星座蕃茄面、新記芝士面同九記牛腩。……如果你廿五歲以上,無試過四大奇食的任何一樣,請主動要求入境處重新檢視你香港人嘅身份。」


幾個月前我廿六歲 但係仲未試曬四大奇食
好彩今日我已經可以唔洗請入境處check下我係咪香港人
令我終於名副其實成為香港人嘅奇食就係九記牛腩


九記位於中上環
所以作為新界人嘅我 到今時今日先黎拜會絕不為過
(其實四五年前係上環做過part time
但係九記對於當時時薪同而家最低工資相差無幾嘅我實成係奢侈品
又其實我當時年少無知 係無聽過九記呢個名嘅:p ) 


lunch hour 黎到九記牛腩
第一眼會見到嘅野就係人龍
第一次黎嘅時候會擔心幾時先有位 會唔會趕唔切返公司
不過擔心係多餘嘅 因為九記有兩層
兼且佢地用walkie溝通 一有人走佢地就即刻叫人入座
樓上落order都係一個walkie搞掂 完全唔洗寫單交入廚房走黎走去
野食又黎得快 所以簡直貨如輪轉
等位時間不過十分鐘 而坐低嘅時間都應該得十五分鐘左右


好 入正題



咖喱牛筋腩伊麵 $42

「柴灣人Chaiwanese」

上星期六,到了柴灣工業村的「柴灣人Chaiwanese」吃早餐。柴灣人我早聽過,但沒有看過關於這餐廳的報導和文章,只知它屬於工業大厦中其中一個單位,聞其優雅但沒抱着什麼期望。但到達後,卻令我感到驚喜。

 

最初以為「柴灣人Chaiwanese 」只佔據工廠中的一個小單位,想不到其地方十分寬敞,每張枱之間的距離很闊,環境佈置等也令人感到輕鬆自在。

 

image

 

在門口附近,雜誌架旁,有塊貼滿客人印花卡的板子,感覺親切。熟客們每每來這裡買咖啡,只要從板子上找回自己的卡儲印花便可,這樣就不用擔心不記得帶印花卡,又或,忘記把卡放在哪裡而找不到等小問題。

 

進去以後,我們選了一張長枱子坐下,要水服務和餐具都是自助自取形式。看過餐牌後,我和男朋友選了同一款三文治-黑椒芥茉燒牛肉三文治,大家也都要喝蘑菇湯。而飲品方面,我選了意大利咖啡,男友則想喝熱檸檬茶。選好食物後,像一般的食堂一樣,便可到收銀處付錢。然後,他們會給你一個用樸克牌做的號碼座,以作他們的送餐記認。

 

image

 

不久,湯和飲品先送上。

 

image

 

image

 

檸檬和茶分別用全透明的玻璃茶壺和茶具裝着並分開呈上,外觀十分漂亮清新。而且,茶喝完後,可要求補充,費用全免;意大利咖啡同樣也是以全透明的杯子裝着,咖啡面有畫花,外表精緻。然而,咖啡事實上沒有強勁的咖啡香氣,口感多奶,略嫌有點蓋過咖啡的味道,感覺一般。

Continue Reading…

麵麵店

係佐敦想去合一cafe
但係望一望個餐牌價錢又有d貴
啱啱附近就係麵麵店






《狂舞派》陳式太極加Hip Hop跳舞,有冇得諗?

 

How far are you willing to go for dance?

 

對,每個人心中都有一件事很想做或很喜歡做,朝思暮想,但過程中你有沒有認認真真問過自己,為了那件事,你究竟可以去到多遠,去到幾盡?

 

這是《狂舞派》最令我動容的地方。

 


 

沒有包袱,沒有長輩壓力,有的是青春,以及無限的時間,相信是大部份香港學生尋夢的背景,只要努力做,下苦功,理應輕鬆抓住夢想,沒有自暴自棄的藉口,諷刺地最大的障礙,永遠是在自己。自小熱愛跳舞的阿花,發誓每一次站上台都要成為主角的Rebecca,矢志奪得「舞林大會」冠軍的大學Dance Soc BombA,為了跳舞滿佈傷痕的Rooftoppers,以及以推廣太極為己任的柒良,在青春拚發得最燦爛時交疊在一起,過程中有人為了自己的夢想而傷害了他人的夢想,但最大的戰場從來都在自己心中,「How far are you willing to go for dance?」,自省過後,以強者姿態漂亮地追夢,贏了自己,贏得尊重,造就這個真正有青春氣息的故事。

Continue Reading…

甜牙牙

聽過朋友講話呢間好食
又睇過如果45 分鐘食得完佢個有九層窩芙嘅「窩芙巨無霸」就free嘅報導
今日終於黎到試下啦
order左個完熟classic心太軟 同埋 冰火綠茶木糠布甸 同朋友一齊share




冰火綠茶木糠布甸
綠茶mousse 滑得黎又唔算澀
重要ge 係木糠比例啱啱好
食落d木糠唔會太乾又唔會「續」親喉嚨

Continue Reading...

《毒戰》無限大的私心,不能解決的中港矛盾


杜琪峯、韋家輝第一部進軍內地的警匪片,算是延續了自身的風格,依然黑色幽默,依然玩味,未知是否因應內地市場需要,尾段安排則頗為誇張。

 


假設內地有一個城市,叫津海,一天發生了工廠爆炸意外,存活下來只有一個昏迷中的香港人,叫Timmy仔(古天樂 飾),禁毒大隊長張雷(孫紅雷 飾)在醫院處理剛成功捕獲的罪犯後,發現了Timmy仔,並嗅得他一雙滿是冰毒原料氣味的手,於是叫人看守著他。Timmy仔醒了,逃脫,再被捕獲,被張雷審問時,提出「協助搗破整個販毒集團換取豁免死刑」的要求。整個兵捉賊的遊戲當中,計劃可被洞悉,但人心卻深不見底,在這個幻想中的城市,表現出最毒辣的一面。

Continue Reading…

曼聯迷,今天也請支持利物浦

(晚了出文,請見諒。但英國時間還是4月15日,所以請多多包涵)

 

1989年4月15日在英國希爾斯堡球場(Hillsborough Stadium)的一場球賽發生了那宗著名的「希爾斯堡慘劇」(Hillsborough disaster),當時導致了96名利物浦(Liverpool)球迷身亡。很長的一段時間都被認為是因為利物浦的球迷自己做成混亂,加上酗酒鬧事及無門票睇霸王波,過多人湧進同一個看台而令到那時還有鐵絲網設備的球場逼爆,不少人就此被踐踏及窒息致死。事件後來歸咎於利物浦球迷自己的責任,直至上年尾才真正平反,真相是當時警方的組織及場面控制不力所致。而警方還刻意隱瞞真相,嫁禍給球迷,幸好現在真相大白,球迷及受害者家屬才真正能夠釋懷。

 

今日是4月15日,「希爾斯堡慘劇」24週年,事件得到平反,希望死難者亦能得到安息。

 

長久以來,曼聯(Manchester United)及利物浦都是宿敵,兩隊的碰頭是每個球季的焦點,而兩隊的球迷亦都各不相讓,常有口舌之爭。但即使歷史有多少恩怨,在生命面前,甚麼都能放下。今天曼聯官網發佈了一個新聞帖,就是支持他們的宿敵及紀念「希爾斯堡慘劇」。

 

 

有些人會在非常仇恨的時候選擇踩多一腳致人於死地,但其實能夠雪中送碳更是難能可貴。在足球競技層面,利曼兩支球隊或者是水火不容,但在生命面前,能夠放下恩怨,才是真正尊重生命。如果你也愛足球、愛生命,今天,做個理性的球迷,一起尊重兩支偉大的球隊,並向死者致意。Justice for the 96. You’ll never walk alone.

 

延伸閱讀:

了解「希爾斯堡慘劇」:http://en.wikipedia.org/wiki/Hillsborough_disaster

堅持理想的花式足球

以前經常都會去旺角閒逛,行街唱k食飯打機睇戲,相信都是不少年青人都在旺角做過的事。但自從旺角越來越多人同自遊行,又發覺越來越無甚好行之後,到旺角的機會也越來越少。最近更有新聞指年青人集中地之一的瓊華又被大集團收購,想到有特式的小鋪、事物好像慢慢變少,取而代之的就是大型連鎖店、大集團,對著行了多年的旺角,實在有點唏噓。

 

社區發展走向單一化,不甘心的人民反而就走向多元,找到更多機會。一路對旺角行人專用區的街頭表演的印象就主要是唱歌、跳舞、雜技等等,還有就是那個少林高手。之前某天經過,卻發現多了一隊花式足球表演者。

停下來看了幾分鐘,發覺兩位的技術都相當精湛,在場圍觀的人都不時歡呼拍掌。不多說了,去片:

 

 

其實香港不會培養不到足球的人材,說穿了,還是政府對體育運動方面的資源實在不足。不只體育,其他如音樂、電影、藝術等,又何嘗不是被政府輕視的行業?當想到如果可以把建造那些核突的社區地標的資源都放在這些範疇上,香港人一定不會比其他地區遜色。

 

對這些在行人專用區的表演者都十分敬佩。當社會指標要你做醫生律師生意人銀行家才為之成功的時候,又有多少人能夠堅持自己的夢想?花式足球和職業比賽的球員一樣,都是要不斷練習才有精湛的技術,少一分堅持都做不到。在facebook 找到應該是其中一位表演者的page,感覺到他真心喜歡足球、喜歡表演,而且很有信念,相信自己做著對的事。在香港,運動員的路實在很難行,但只要堅持不放棄,相信1000場街頭表演不是夢!

 

或者,我再次找到我去行旺角的理由。

 

支持他們,給他們一個like:

facebook page:  https://www.facebook.com/Hkfreestyler