{HongKong} GrandHyatt Steakhouse

我同好朋友 Jac & Kin每個月都會約埋食一餐Fine Dining。首先我地會定左菜式,然後定食品類型。而今個月,我地決定去「鋸扒」。揀左好耐,我地最終決定去Grand Hyatt Steakhouse。訂枱時間有2個time slot: 18:00/20:45,Jac 前3日book位,18:00已經要waiting list,但幸運地最後我地都wait到,唔洗食20:45咁晏。
去餐廳前,我已經睇定餐牌,知道自己想食咩扒,但sauce方面我就一頭霧水,所以我問waiter,希望了解多d 關於sauce既資料,waiter好耐心咁講解每個sauce既不同之處,選擇左一輪,終於都決定晒食咩啦!
IMG_6503.JPG

冇幾耐Appetizer就黎到了。免費既牛油蒜蓉包先到。麵包黎到既時候,我真心認為我真係未見過焗得咁靚既蒜蓉包!但如果你想食白麵包,可以同waiter講,餐廳會幫你安排。聽Jac講呢度既蒜蓉包都幾出名,所以要keep fit既我都破例食左件。蒜蓉包咬落好脆,當然仲好香牛油蒜蓉味。

IMG_6507.JPG

IMG_6506.JPG

Appetizer我地叫左呢度出名既Crab Cake,仲有煎鵝肝。Crab Cake真係好好食,一d都唔油,食落啖啖都係蟹肉,好清新;煎鵝肝配有Apple Cubes係底,入口即溶,Kin一啖鵝肝一啖麵包咁食,食到佢好滋味。

IMG_6504.JPG

IMG_6505.JPG

IMG_6502.JPG

主角黎了!我叫左6安士 Tenderloin 5成熟配磨菇汁,Jac & Kin就叫左個27安士既T-Bone 5成熟配紅酒汁 share,然後叫左個焗薯做配菜。食之前,餐廳提供幾款Mustard比我地選擇,我揀左原味芥辣子,而Jac & Kin 就揀左truffle mustard。Tenderloin係牛背肉,脂肪比較少。而T-Bone肉近骨,所以脂肪會比較多。呢度d牛扒好嫩,肉汁豐富,一d都唔韌,唔配sauce食更食到肉汁既味道,加埋mustard一齊食,真係回味無窮。至於,個焗薯就好大個,上面加左sour cream同煙肉碎,味道無咩特別。

IMG_6515.JPG

IMG_6516.JPG

甜品我地揀左呢度出名既Dark Rum Baba 同埋Apple Crumble。Dark Rum Baba 好睇多過好食,Waiter將點左火既Rum倒落蛋糕仔上面,見住火同蛋糕仔慢慢融合,都幾靚,但味道就酒味太濃,我唔係咁鐘意食;Apple Crumble 暖暖地,皮脆內軟,夾埋呍哩拿雪糕一齊食,特別好味,但蘋果味就唔夠。

Grand Hyatt Steakhouse
Location: Mezzanine Floor @GrandHyatt
Enquiry Or Reservations: +852 2584 7722

香港四大奇食(一) 九記牛腩

澳牛的黃昏話「香港有四大奇食:澳牛光速餐、星座蕃茄面、新記芝士面同九記牛腩。……如果你廿五歲以上,無試過四大奇食的任何一樣,請主動要求入境處重新檢視你香港人嘅身份。」


幾個月前我廿六歲 但係仲未試曬四大奇食
好彩今日我已經可以唔洗請入境處check下我係咪香港人
令我終於名副其實成為香港人嘅奇食就係九記牛腩


九記位於中上環
所以作為新界人嘅我 到今時今日先黎拜會絕不為過
(其實四五年前係上環做過part time
但係九記對於當時時薪同而家最低工資相差無幾嘅我實成係奢侈品
又其實我當時年少無知 係無聽過九記呢個名嘅:p ) 


lunch hour 黎到九記牛腩
第一眼會見到嘅野就係人龍
第一次黎嘅時候會擔心幾時先有位 會唔會趕唔切返公司
不過擔心係多餘嘅 因為九記有兩層
兼且佢地用walkie溝通 一有人走佢地就即刻叫人入座
樓上落order都係一個walkie搞掂 完全唔洗寫單交入廚房走黎走去
野食又黎得快 所以簡直貨如輪轉
等位時間不過十分鐘 而坐低嘅時間都應該得十五分鐘左右


好 入正題



咖喱牛筋腩伊麵 $42

「柴灣人Chaiwanese」

上星期六,到了柴灣工業村的「柴灣人Chaiwanese」吃早餐。柴灣人我早聽過,但沒有看過關於這餐廳的報導和文章,只知它屬於工業大厦中其中一個單位,聞其優雅但沒抱着什麼期望。但到達後,卻令我感到驚喜。

 

最初以為「柴灣人Chaiwanese 」只佔據工廠中的一個小單位,想不到其地方十分寬敞,每張枱之間的距離很闊,環境佈置等也令人感到輕鬆自在。

 

image

 

在門口附近,雜誌架旁,有塊貼滿客人印花卡的板子,感覺親切。熟客們每每來這裡買咖啡,只要從板子上找回自己的卡儲印花便可,這樣就不用擔心不記得帶印花卡,又或,忘記把卡放在哪裡而找不到等小問題。

 

進去以後,我們選了一張長枱子坐下,要水服務和餐具都是自助自取形式。看過餐牌後,我和男朋友選了同一款三文治-黑椒芥茉燒牛肉三文治,大家也都要喝蘑菇湯。而飲品方面,我選了意大利咖啡,男友則想喝熱檸檬茶。選好食物後,像一般的食堂一樣,便可到收銀處付錢。然後,他們會給你一個用樸克牌做的號碼座,以作他們的送餐記認。

 

image

 

不久,湯和飲品先送上。

 

image

 

image

 

檸檬和茶分別用全透明的玻璃茶壺和茶具裝着並分開呈上,外觀十分漂亮清新。而且,茶喝完後,可要求補充,費用全免;意大利咖啡同樣也是以全透明的杯子裝着,咖啡面有畫花,外表精緻。然而,咖啡事實上沒有強勁的咖啡香氣,口感多奶,略嫌有點蓋過咖啡的味道,感覺一般。

Continue Reading…

麵麵店

係佐敦想去合一cafe
但係望一望個餐牌價錢又有d貴
啱啱附近就係麵麵店






甜牙牙

聽過朋友講話呢間好食
又睇過如果45 分鐘食得完佢個有九層窩芙嘅「窩芙巨無霸」就free嘅報導
今日終於黎到試下啦
order左個完熟classic心太軟 同埋 冰火綠茶木糠布甸 同朋友一齊share




冰火綠茶木糠布甸
綠茶mousse 滑得黎又唔算澀
重要ge 係木糠比例啱啱好
食落d木糠唔會太乾又唔會「續」親喉嚨

Continue Reading...

巴希雅海灣重慶燒烤



大概兩個月前知道有呢餐廳
口碑好似唔錯~
好! 就決定十二月朋友生日去呢度慶祝~


叮囑下係一個月前就打去BOOK 枱
順利訂左十四個人
前兩三星期就比左訂金三百大洋


終於黎到BBQ當日
大埔火車站再轉75K巴士
半個鐘後到達龍尾村 再向車尾方向行一陣就到啦~


入到去… 比錢先~
位位$128 任食三小時
野食包括平時燒野食腸呀丸呀扒呀咁
特別D 仲有腐皮大蔥南瓜雞軟骨鴨胸蕃茄茄子羊扒香蕉洋蔥韮菜蒜蓉多士鯖魚煙肉蕃茄卷金菇肥牛卷銀杏豬頸肉豆角秋刀魚冬菇
仲有一人一隻大蝦同一件菠蘿
另外每個爐$40 跟爐送上一煲蜆 同 芝士蒜蓉西蘭花/金菇
其實呢度唔似平時 BBQ 要用ge燒烤叉
正確d黎話應該話係串燒
一黎就食左好多串牛肉雞肉
自己可以撒上香草孜然等等
整體黎講呢度真係唔錯
食物質素高 種類又多 refill 速度又快
特別點評以下幾款:


Continue Reading...

中伏!螢壽司日本料理

係旺角返工
openrice 黎黎去去都係果幾間
唯有自己周圍行下踫運氣


今次黎到螢壽司日本料理
駐足門口 諗住入去食滑蛋雞扒飯
應該實無死掛


點知!中伏!
一開門已經聞到陣up味
但係已經踏左入門口 唯有頂硬上
睇多次餐牌 都係照食滑蛋雞扒飯啦




終於黎到 同我心目中ge滑蛋雞扒飯相差好遠
第一 滑蛋唔係流質 撈唔到飯!
第二 雞扒同蛋下面竟然係照燒汁!
第三 雞扒竟然有d薑蔥!

Continue Reading...

HK$120的慢活快樂

我太衰仔了,咁耐無寫過。事緣是前陣子又反國教又選舉, 個腦好似爆左咁。兩件事過後又唔想寫任何同政治有關的,之後又開始返工。咁你知啦,一開始返工就好死多野要適應。我之前都起左一篇稿嫁,但係每日勁夜返屋企……….… (下刪廿萬個字)

對不起!!!!!!!!!!!!!!!!!!!!!!! (to 編輯 T^T)

 

 

上一兩個星期找了一天去了中華廚藝學院吃午飯。一早已聽過這學院,因為家人很欣賞它的學員餐廳,經常建議去那邊用餐。它其實是屬於職業訓練局旗下的學院,餐廳是學生在老師的指導下打理的。家人老早已提醒我用餐的時間會較長,而且要有耐性-因為是西餐廳,學員會一邊很緊張,一邊用不流利的英語介紹餐單。

 

我們光顧的那天是星期五,訂了中午十二時的桌。但其實餐廳也只是在十二時才開店,所以到達後他們就建議我們到陽台等一下。這一等又真不錯;因為學院在薄扶林,陽台直望的是數碼港對出的海景,心情都好起來。

 

 

拍了照,聊了天,過了十分鐘後侍應便邀請我們進餐廳就坐。雖說是平日,但餐廳內七、八張桌子都坐滿人。剛坐下就驚訝於服務生的數目。我想一張桌子有起碼有四個服務生負責吧? 真的很多人。留意到當中有兩位應該是導師,其他的都是學生,不難看得出在迷茫中的學生。也怪不得,有多少十來歲的少年有過西式fine dining的經歷呢? 就算有,身份突然變成了服務生才會發現當中的困難吧。

 

年輕的服務生用著生硬非常的英語給我們送上餐牌,然後換上了另一位服務生為我們解釋當天有什麼菜式的選擇;全程我們都很留心聽著,生怕會影響他的自信心般。在決定要點什麼菜的時候,服務生為我們送上了麵包籃。嘩,我這麵包怪實在興奮,小小的麵包籃有著四、五種不一樣的麵包,還未計在旁的長長麵包條,太開心了。雖然麵包不應該吃太多,要留肚吃主菜但實在忍不到口,還追加了一籃 😛

 

我們四人都選了4 courses,包括前菜、湯、主菜和甜品 (和咖啡或茶)。也都只是$120 (沒有加一),真的是[抵到喊]啦!

 

Continue Reading…

丼吉



同同事旅行前farewell (其實只係搵個藉口黎一齊食下飯)
一行八人黎到The One丼吉
book 左枱但係都要等一陣
大概十分鐘後就可以入座
見到碗入面ge芝麻已經急不及待咁係咁磨
磨到咁上下 大家先醒覺 我地仲未叫野食XD


最終我地叫左兩個三人餐同2個吉列蝦豬扒定食
三人餐總共有四款食物: 豬扒, 蝦, 豬柳 同埋蠔
另外仲有一小碟醃菜同埋麵豉湯 飯同椰菜就無限refill
諗起日式吉列食物, 第一樣就係吉列豬扒
所以第一樣就試吉列豬扒! 可惜….
豬扒無想像中好 無肉汁不過好彩咁厚都唔算韌 肉質比較結實
蝦就算係爽口彈牙 不過無咩鮮味
豬柳比起豬扒好味 比較軟滑 無豬扒咁乾又無豬扒咁韌
蠔就好肥美好creamy! 又唔會有泥味~~


【三人餐 $512】



最後一員終於黎到 點左一份吉列蝦帶子定食
無試味不過見到好大隻 切開又好似啱啱熟好滑咁
下次黎應該會食海鮮拼盤定食(唔知有無)

Continue Reading...

<每月豪一次> cheese lovers

我的死穴是食物值不值得它的價值,所以若碰到我付錢付得開心的話,就會紀錄下來。

 

很愛吃但香港吃有點氣氛的,材料新鮮的,都有一定的價格。於是,我和男友決定每一個月找一次好好的吃一頓。我們選的也沒有說是很特別,只是隨心的選擇。

 

Classified是一家casual dining的餐廳,意思是只需walk-in,經營的模式像café一樣,很隨性。我們去的那一家在上環,可能附近住的較多是外國人,那天(星期日)去的時候也真的只見到外籍人士。餐廳有兩層,店外有一個小小的地台,相信天氣好的時候邊享受日光浴,邊享受食物也不錯。

 

沒有非常注意店裡的裝潢但感覺是很industrial的風格,吊在天花板的風扇,blackboard menu,實木的大桌子,懷舊的地磚等;是我喜歡的 😛

 

 

當天吃了:

 
green salad: 很新鮮。一直都知道在香港吃這樣的salad定價偏高,但又真的很開胃。

egg Benedict: 沒有說非常特別,但有一般Benedict的水準吧?跟salad一起吃很搭。

baked camembert: 這是我一早計劃要吃的,說到底這邊是吃cheese有名的嘛。Camembert是口味偏淡的芝士;整個連盒一併拿去烤,上面有香草和蒜頭,很香。吃的方法是像果醬一樣塗在麵包上,很特別,大鄉里沒試過嘛。喜歡芝士的應該都會喜歡這一道。順帶一提,麵包有很濃的芝麻香味,加分。

french pizza: 不想吃pasta所以點了這pizza。沒有太大期望,想不到也蠻好吃,哈哈。上面是火腿和brie cheese (當然不是金妹火腿,但我也忘了它的品種)。大概即叫即做所以熱辣辣,感覺很好。沒有放了太多芝士,餅底也沒有過多麵粉,我就已很滿足了 😛

Continue Reading…